الغندور مهاجما شوبير: "ينفع أقول شوشو متخلف عقليا؟"

انتقد لاعب نادي الزمالك، ومنتخب مصر السابق، خالد الغندور، حارس مرمى الأهلي ومنتخب مصر السابق، الإعلامي أحمد شوبير، واتهمه بالتحيز للأهلي، وعدم مراعاة المهنية والحيادية.

وقال الغندور خلال برنامجه "اللعبة الحلوة"، على فضائية "LTC"، مساء الجمعة: "في يوم من الأيام اتكلمت وقولت جاريدو وحش، الدنيا قامت عليا، وفي يوم من الأيام الميرغني قال أتمنى التوفيق للإفريقي التونسي الشقيق، آه هو مستفز يعمل كده، لكن من قبله ميدو عمل كده، أي حد بيحب الزمالك من اللاعبين عايز الأهلي يخسر، ونفس القصة الأهلي بيحب الزمالك يخسر".

وأضاف خالد الغندور: "الكابتن شوبير بيصرخ لما بيشجع الأهلي بره، وعايز الزمالك يخسر، لازم ميكونش فيه نفاق".\

 وتابع: "في الإعلام مينفعش يبقى فيه تحيز، وتقول الأخ المتغندر متخلف عقلي، هو أنا ينفع يعني أقول شوشو متخلف عقلي، أنت ليه بتحجر على رأيي".

وتابع "زوجة شوبير طلعت شتمت في الزملكاوية، متقول لزوجة حضرتك بدل الميرغني الغلبان، ومتكلمتش على ميدو ليه".